যােৰহাট : চাৰিদিনীয়া ভ্রমণসূচীৰে আজি অসমলৈ আহিব বলীউডৰ মােহময়ী অভিনেত্রী তথা অসম পর্যটনৰ ব্ৰেণ্ড এম্বেডৰ প্ৰিয়ংকা চোপ্ৰা। ৰাজ্যখনৰ পৰ্যটনৰ প্ৰসাৰ আৰু প্ৰচাৰৰ বাবে নির্মাণ কৰিবলগীয়া বিজ্ঞাপনৰ শ্বুটিঙত অংশ ল’ব অভিনেত্রীগৰাকীয়ে। যােৰহাটৰ কেইবাটাও মনােমােহা স্থানত প্রিয়ংকা চোপ্ৰাৰ বিজ্ঞাপনৰ শ্বুটিং হ'ব বুলি জানিব পৰা গৈছে। সন্ধিয়া ৭.৩০ বজাত বিশেষ বিমানযােগে দিল্লীৰ পৰা যােৰহাটত উপস্থিত হ’ব প্রিয়ংকা। বিখ্যাত চাহ উদ্যোগপতি হেমেন্দ্রপ্রসাদ বৰুৱাৰ তিতাৰবস্থিত ঐতিহাসিক ‘ঠেঙাল মেনৰত বাহৰ পাতিব অভিনেত্রীগৰাকীয়ে। অহা দেওবাৰ আৰু সােমবাৰে বিভিন্ন লােকেচনত বিজ্ঞাপনৰ শ্বুটিং সম্পন্ন কৰা হ'ব। প্রাপ্ত তথ্য অনুসৰি কাজিৰঙাৰ গল্ড ৰিজ’র্ট আৰু ৰৰৈয়াৰ বনিয়ান গ্রুভত বিজ্ঞাপনৰ শ্বুটিং হ’ব৷ শ্বুটিং সমাপ্ত হােৱাৰ পাছত মঙলবাৰে পুনৰ বিশেষ বিমানযােগে যােৰহাটৰ পৰা মুম্বাইলৈ ৰাওনা হ’ব প্রিয়ংকা চোপ্ৰা। উল্লেখ্য যে বিগত বৰ্ষৰ অক্টোবৰত প্রিয়ংকাক অসম পর্যটনৰ ব্ৰেণ্ড এম্বেছাডৰ হিচাপে নিযুক্তি দিয়া হৈছিল। ইতিমধ্যে তেওঁ অভিনয় কৰা বিজ্ঞাপন বিশ্বৰ বিভিন্ন দেশত প্ৰচাৰ কৰা হৈছে। অৱশ্যে ইতিমধ্যে সম্প্রচাৰিত বিজ্ঞাপনসমূহৰ বাবে শ্বুটিং অসমৰ পৰিৱর্তে বিদেশত সম্পন্ন কৰা হৈছিল। প্রথমবাৰৰ বাবে প্রিয়ংকাই পর্যটনৰ বিজ্ঞাপনৰ বাবে অসমত শ্বুটিঙত অংশ ল’ব। ইপিনে, অভিনেত্রীগৰাকীৰ আগমনক কেন্দ্র কৰি তৎপৰ হৈ পৰিছে যােৰহাট জিলা প্রশাসন। প্রিয়ংকাৰ ভ্ৰমণকালত সুৰক্ষাৰ বিষয়টোক লৈ আৰক্ষী প্রশাসনে বিশেষ পৰিকল্পনা গ্রহণ কৰিছে। এজন উপ-আৰক্ষী অধীক্ষকৰ নেতৃত্বত বীৰাংগনা আৰু বিশেষ আৰক্ষীৰ দলে তেওঁক নিৰাপত্তা দিব।
Sangbad Prahari
No. 1 Web Media in North-East India. Maintained and Published by Saiyad Bulbul Jamanur Hoque on behalf of Save Media Solution (A unit of SAVE).
RELATED STORIES
মুখ্যমন্ত্রীর বিরুদ্ধে গভীর ষড়যন্ত্র চলছে অভিযােগ বিজেপি বিধায়কের, অস্বীকার রঞ্জিত দাসের গুয়াহাটি : নাগরিকত্ব সংশােধনী বিল নিয়ে রাজ্
ডোকলামে তৎপর নয় চীন, জানিয়ে দিল দিল্লি দিল্লি: ডোকলামে ফের চীনা গতিবিধির সংবাদ ভু
কমিছনৰাজত স্তব্ধ জিএমচিৰ উন্নয়ন গুৱাহাটীঃ দক্ষিণ-পূর্ব এছিয়াৰ দুবাৰমুখ গুৱা
ধর্ষণের জন্য মেয়েদের পোশাককে দায়ী করবেন না- প্রতিরক্ষামন্ত্রী দিল্লীঃ ধর্ষণ নিয়ে এবার মৌলবাদী মতামতের
এবার অনশনে বসছেন নরেন্দ্র মোদি! ওয়েব সংবাদ : অনশনের পাল্টা অনশন। জাতীয় রাজনীত
অসামৰিক সেৱাৰ পৰীক্ষাৰ ফলাফলত উজলি উঠিল ১৪গৰাকীকৈ অসম সন্তান গুৱাহাটী : ২০১৭ বৰ্ষৰ অসামৰিক সেৱাৰ পৰী
0 comments: