লাহৰীঘাট : মৰিগাঁও জিলাৰ লাহৰীঘাট আৰক্ষী থানাৰ অন্তৰ্গত কাঠনি গাঁৱত লাহৰীঘাট খণ্ডৰ জ্ঞান বিজ্ঞান সমিতিৰ উদ্যোগত এখনি সজাগতা সভা অনুষ্ঠিত হয়। সমাজত অব্যাহত থকা ধৰ্ষণ, হত্যা, নাৰী নিৰ্যাতন আদি অপৰাধজনিত কামকাজ প্ৰতিৰোধ কৰা সন্দৰ্ভত অনুষ্ঠিত সভাখনত অঞ্চলটোৰ শতাধিক লোকে অংশগ্ৰহণ কৰে। সভাখনত সভাপতিত্ব কৰে লাহৰীঘাট অঞ্চলৰ বিশিষ্ট সমাজ সেৱক কমৰুল ইছলামে৷
উল্লেখ্য যে, মৰিগাঁও বাৰ এচোছিয়েশ্যনৰ অধিবক্তা হাৰুণ অল ৰশিদকে আদি কৰি কেইবাজনো বিশিষ্ট ব্যক্তিয়ে সমাজত বৃদ্ধি পাই অহা ধৰ্ষণ, হত্যা, মদ,ভাং,জুৱা আদি অপৰাধজনিত কাৰ্য্য কলাপৰ পৰা বিৰত থাকিবলৈ ৰাইজক আহ্বান জনায়। ইয়াৰ উপৰিও এচাম অসৎ চৰিত্ৰৰ লোকৰ প্ৰলোভনত প্ৰলোভিত নহবৰ বাবে ৰাইজক সজাগ হবলৈ অনুৰোধ জনায়। আনহাতে সদ্যঘোষিত ১২ বছৰ বা তাৰ তলৰ শিশুক ধৰ্ষণ কৰিলে মৃত্যুদণ্ড আৰু ১২ বছৰৰ ওপৰৰ ১৬ বছৰৰ তলৰ ক্ষেত্ৰত ২০ বছৰ কাৰাদণ্ডৰ দৰে শাস্তিৰ সম্পৰ্কেও জনসাধাৰণৰ জ্ঞাতাৰ্থে মূল্যবান বক্তব্য আগবঢ়ায়। সদৌ শেষত সজাগতা সভাৰ সভাপতি বিশিষ্ট সমাজ সেৱক কমৰুল ইছলামে তেখেতৰ মূল্যবান ভাষণ ৰাখি সভা ভংগ কৰে ।
0 comments: