তামাৰহাটত চিপ লৈ যুৱকৰ আত্মহত্যা

তামাৰহাট : ধুবুৰী জিলাৰ তামাৰহাট থানাৰ অন্তৰ্গত মেচপাৰা গাওঁত সোমবাৰে এজন যুৱকে চিপ লৈ আত্মহত্যা কৰা ঘটনাক কেন্দ্ৰ কৰি সমগ্ৰ অঞ্চলটোত তীব্ৰ চাঞ্চল্য এতিয়াও অব্যাহত আছে। জানিব পৰা মতে, মেচপাৰা গাঁৱৰ সুদীপ ৰায়ৰ পুতেক গোবিন্দ ৰায় (২১) দেওবাৰে ৰাতি নৈশ আহাৰৰ পাছত ঘৰত নজনোৱাকৈ ঘৰৰ পৰা ওলাই যায়৷ ৰাতিপুৱা ঘৰৰ পৰা পঞ্চাশ মিটাৰ দূৰত এখন বাঁহনিৰ মাজত থকা লেটুকু গছত গোবিন্দক চিপ লোৱা অৱস্থাত স্থানীয় ৰাইজে প্ৰত্যক্ষ কৰি ঘৰত খবৰ দিয়ে। খবৰ পাই গোবিন্দৰ ঘৰত হুৱাদুৱা আৰম্ভ হয়। ইপিনে ঘটনা সংক্ৰান্তত গোবিন্দৰ পৰিয়ালে তামাৰহাট থানাত এক এজাহাৰ দাখিল কৰাত আৰক্ষীয়ে ঘটনাস্থলীত উপস্থিত হৈ ঘটনাৰ বুজ লৈ মৃতদেহটো মৰণোত্তৰ পৰীক্ষাৰ বাবে ধুবুৰী অসামৰিক চিকিৎসালয়লৈ প্ৰেৰণ কৰে। ৰাইজে প্ৰকৃত ৰহস্যৰ উদঘাটনৰ বাবে আশাৰে বাট চাইছে৷

SHARE THIS