এন এইচ (জান)
বহুদিনৰ তৃষ্ণা
পাহাৰৰ ৰৌদ্ৰস্নাতা
ওঁঠত
হৃদয়ৰ লুংলুঙীয়া পথত প্ৰত্যাহ্বানৰ কাইঁটবোৰে
বাট কাটে
নঙলামুখত প্ৰত্যাশাৰ মিছিলত নিমিলা তান
এটি হেৰুৱা গান !
কালি নৈখনত জাকৈয়া নামিছিল
উদং মেটেকাচুলিত
বিৰহে শিবিৰ পাতি অনশন হেনো কৰিছে
মিলন দাবী সিহঁতৰ স্বৰলিপিত
অস্তবেলিৰ শেষ আভা পানী যুঁৱলিক বিদ্ৰোহী কৰিছে
মনৰ ভঙা টুকুৰাৰ ৰেপত
স্বপ্ন ৰক্তাক্ত হ'ল।
একো বেলি ভুমুকি মাৰে স্মৃতিৰ পাতত
সেই দিনবোৰ
তিনিআলিৰ কোলাহলৰ ফাঁকেৰে চাৰিচকুৰ বাৰ্তালাপ
অচিনাকি শংকাত কম্পমান বুকুত আশাৰ শইচ
জনাৰণ্যৰ পিচবাটত
হৃদয়ৰ মেল ........
আহ ! কি যে ৰোমান্টিক পল।
ভ্ৰাম্যভাষ... ৯১০১৮২৮১৫৯
0 comments: